ઝઘડિયા તાલુકાના પ્રાંકડ ગ્રામ પંચાયતના સરપંચ અને ઉપ સરપંચે સત્તાવાર ચાર્જ સંભાળ્યો.

ભરૂચ જિલ્લાના ઝઘડિયા તાલુકામાં તાજેતરમાં યોજાઇ ગયેલ ગ્રામ પંચાયતોની ચુંટણીમાં પ્રાંકડ ગ્રામ પંચાયતમાં સરપંચ તરીકે રાજેશભાઈ રતનભાઈ વસાવા વિજયી થયા હતા. હાલમાં ગ્રામ પંચાયતના ઉપ સરપંચની વરણી માટેની બેઠક ગ્રામસેવક હર્નિશભાઇ પટેલ અને તલાટીની ઉપસ્થિતિમાં મળી હતી. આયોજિત બેઠકમાં ઉપ સરપંચ તરીકે મેહુલસિંહ જશવંત સિંહ પ્રાંકડાની સર્વાનુમતે બિન હરીફ વરણી કરવામાં આવી હતી. ગ્રામ પંચાયતની આ પ્રથમ મળેલ બેઠકમાં સરપંચ ઉપસરપંચ અને સભ્યોએ સત્તા સંભાળી લીધી હતી. નવ નિયુક્ત સરપંચ અને ઉપ સરપંચે આ પ્રસંગે સહુનો આભાર માન્યો હતો અને ગામના વિકાસ માટે પોતે કટિબધ્ધ હોવાની લાગણી ઉચ્ચારી હતી.

ગુલામહુશેન ખત્રી રાજપારડી જિ.ભરૂચ