ઝઘડીયા તાલુકાના ભાલોદ ગામ પાસે આવેલ રૂંઢ નર્મદા ઓવારેથી પાણીમાં તરીને આવેલી અજાણી મહિલાની લાશ મળી આવતા ચકચાર મચી ગઈ હતી. આજરોજ સવારે માછીમારને રૂંઢ ગામના નર્મદા નદીકિનારે મહિલાની લાશ તરતી દેખાતા માછીમારે રાજપારડી પોલીસને જાણ કરી હતી ત્યારબાદ રાજપારડી પોલીસે ઘટના સ્થળે પહોંચી લાશને પાણીમાંથી બહાર કાઢતા કોઇ અજાણી મહિલાની હોય અને પાણીમાં તરીને આવી હોય તેમ માલુમ પડ્યુ હતુ, મહિલાની લાશ પાણીમાં ફૂલી જવાથી ડીકમ્પોઝ હાલતમાં હોય જેના કારણે સ્થળ પર જ પોસ્ટમોર્ટમ કરી અને લાશને નદી કિનારે ખાડો ખોદી દફનાવવામાં આવી હતી. આ મહિલાની લાશ પાણીમાં તરીને ક્યાંથી આવી છે અને એની કોઈ ગુમ થયાની ફરિયાદ નોંધાઈ છે કે કેમ તેની તપાસ રાજપારડી પોલીસે હાથ ધરી છે.
Advertisement
