ઝઘડીયા તાલુકાનાં બુટલેગરની પાસા એક્ટ હેઠળ અટકાયત.

ઉચ્ચ પોલીસ અધિકારીઓ દ્વારા ભરૂચ જિલ્લામાંં અસામાજીક તત્વો તેમજ પ્રોહિબીશનની પ્રવૃત્તિ કરતા ઇસમો સામે કડક કાર્યવાહી કરવા મળેલ સુચના અંતર્ગત ઝઘડીયા તાલુકામાં પોલીસ દ્વારા આવા ગુનાહિત પ્રવૃત્તિ કરતા ઇસમો સામે સખત કાર્યવાહી હાથ ધરવામાં આવી છે. તે અંતર્ગત ઝઘડીયા પી.આઇ.વસાવાએ ઝઘડીયા પોલીસ સ્ટેશન વિસ્તારના માલજીપુરા ગામના રાજકુમાર ઉર્ફે લાલા શંકરભાઇ વસાવાની પાસા એક્ટ હેઠળ જિલ્લા મેજિસ્ટ્રેટ ભરૂચના હુકમ અન્વયે અટકાયત કરીને જુનાગઢ જિલ્લા જેલ ખાતે પોલીસ જાપ્તા હેઠળ મોકલી આપ્યો હતો. ઝઘડીયા તાલુકામાં ગુનાહિત પ્રવૃત્તિઓ કરત‍ા ઇસમો પ્રત્યે પોલીસે લાલ આંખ કરતા આવા ઇસમોમાં ફફડાટ ફેલાયો છે.

ગુલામહુશેન ખત્રી રાજપારડી જિ.ભરૂચ