હાલમાં ચર્ચાની એરણે ચઢેલા ખેડૂત બિલ બાબતે દેશના ખૂણે-ખૂણે વિરોધ જોવા મળી રહ્યો છે. રાજ્યના ખેડૂતો દ્વારા વિરોધ પ્રદર્શન છેલ્લા વીસેક દિવસથી ચાલી રહ્યું છે, ત્યારે તેના પડઘા ભરૂચ જિલ્લાના ઝઘડિયા તાલુકામાં પણ જોવા મળી રહ્યા છે.
આજરોજ ઝઘડીયા તાલુકા કોંગ્રેસ સમિતિ અને સેવાદળ દ્વારા હાલમાં અમલમાં આવેલા ખેડૂત બિલનો વિરોધ કરવામાં આવ્યો. ઉલ્લેખનીય છે કે આ બીલનો વિરોધ મોટાભાગે દેશભરમાં થઈ રહ્યો છે. જે અંતર્ગત આજે બિલના દહનનો કાર્યક્રમ આજરોજ ઝઘડિયા ચાર રસ્તા ખાતે કરવામાં આવ્યો હતો. ખેડૂત બિલ દહન સમયે ઝઘડિયા તાલુકા કોંગ્રેસના આગેવાનો તથા સેવાદળના આગેવાનોએ ઉપસ્થિત રહીને આ ત્રણેય કિસાન બીલ પરત લેવાની માંગ કરી હતી.
Advertisement
ગુલામહુશેન ખત્રી રાજપારડી જિ.ભરૂચ
