ભરૂચ જિલ્લાના ઝઘડિયા જીઆઈડીસી વિસ્તારમાં બે દિવસ અગાઉ ધંધાકીય અદાવતમાં ગેંગવોરની ઘટના સર્જાઈ હતી, જેમાં આડેધડ ફાયરિંગ સાથે 20 થી વધુ વાહનોમાં તોડફોડ કરવામાં આવી હતી, જે ઘટનામાં એક વ્યક્તિ ઈજાગ્રસ્ત થયો હતો, મામલે પોલીસે રાયોટિંગ સહિતની કલમો સાથે ગુનો દાખલ કરવામાં આવ્યો હતો.
સમગ્ર ઘટનામાં સાત ગાડીમાં આવેલ ૩૫ થી ૪૦ ઈસમોએ ઘસી આવી આડેધડ ફાયરીંગ સાથે 20 થી વધુ વાહનોની તોડફોડમાં કરી આતંક મચાવ્યો હોવાનું બહાર આવ્યું હતું, બાદમાં મામલે એલસીબી, એસઓજી અને સ્થાનિક પોલીસની અલગ અલગ ટીમોએ પાંચ ઈસમોને ઝડપી પાડ્યા છે.
Advertisement
સમગ્ર ઘટના ક્રમનો મુખ્ય સુત્રધાર જૈમીન પટેલ ઝઘડિયા ખાતેથી જ ધરપકડ કરાઈ છે, જયારે પોલીસે અન્ય આરોપીઓને ઝડપી પાડવા કવાયત હાથ ધરાઈ છે.
