ઝઘડિયા તાલુકાના ત્રણેય પોલીસ મથક ઝઘડિયા રાજપારડી અને ઉમલ્લા પોલીસ મથક ખાતે દશેરાના પર્વ નિમિત્તે શસ્ત્ર પૂજન કરવામાં આવ્યું હતું. જ્યારે પણ અધર્મ વધે ત્યારે શસ્ત્રનો ઉપયોગ કરી અધર્મને હરાવી ધર્મનો વિજય થતો હોય છે, ત્યારે આજરોજ બુધવારે દશેરા નિમિત્તે અધર્મ પર ધર્મના વિજય પ્રતિકે ઉજવાતા દશેરા પર્વ એ શસ્ત્ર પૂજન નો વિશેષ મહિમા રહેલો છે.
ઝઘડિયા તાલુકાના ઝઘડિયા, રાજપારડી તથા ઉમલ્લા પોલીસ મથકે વર્ષોની પરંપરા મુજબ પોલીસ મથક ખાતે શસ્ત્ર પૂજન કરવામાં આવ્યું હતું, જે પ્રસંગે ઝઘડિયા પોલીસ મથકના પોલીસ ઇન્સ્પેક્ટર વી આર ભરવાડ, પી.એસ.આઇ ધર્મેશ મહંત તથા રાજપારડી પોલીસ મથકના પી.એસ.આઇ જી આઇ રાઠોડ, ઉમલ્લા પોલીસ મથકના પીએસઆઈ એન.જે ટાપરીયા તથા ત્રણેય પોલીસનો સ્ટાફ ઉપસ્થિત રહ્યા હતા. આ પ્રસંગે પોલીસ અધિકારીઓ દ્વારા પોલીસ શસ્ત્રનો સદુપયોગ અને નાગરિકોને રક્ષણ તેમજ સલામતી માટે અસરકારક રીતે કરી શકાય તેવી પ્રાર્થના કરી હતી. જે શસ્ત્રનો આજરોજ પોલીસ દ્વારા દશેરાનું પૂજન કરવામાં આવ્યું હતું.
ગુલામહુશેન ખત્રી રાજપારડી જી.ભરૂચ
