ભરૂચ જીલ્લાના ઝઘડિયા તાલુકાના વલી ગામ નજીક મોટરસાયકલ પર દેશી દારુ લઇને જતા એક ઇસમને પોલીસે ઝડપી લીધો હતો.
ઉમલ્લા પોલીસમાંથી મળતી વિગતો મુજબ ઉમલ્લા પોલીસના જવાનો પીએસઆઇ એન.જે.ટાપરીયાના માર્ગદર્શન હેઠળ પોલીસ સ્ટેશન વિસ્તારમાં પેટ્રોલિંગમાં હતા તે દરમિયાન વલી ગામ પાસે આવતા એક મોટરસાયકલ લઇને જતો ઇસમ શંકાસ્પદ જણાતા તેને ઉભો રહેવાનું કહેતા તે ઇસમ મોટરસાયકલ ચલાવી નાશવા લાગ્યો હતો. પોલીસે તેનો પીછો કરી રોકીને તપાસ કરતા સદર મોટરસાયકલ પર રાખેલ પોટલામાંથી વિમલના થેલામાં રાખેલ દેશી દારુ મળી આવ્યો હતો. પોલીસે આ મોટરસાયકલ ચાલક રાકેશ હરિલાલ વસાવા રહે.કોલીયાપાડા તા.નેત્રંગનાને કુલ રુ.૧૨૦૬૦ ના મુદ્દામાલ સાથે હસ્તગત કરીને તેના વિરુધ્ધ ગુનો દાખલ કરીને કાયદેસર કાર્યવાહી હાથ ધરી હતી. મોટરસાયકલ પર લઇ જવાતા દેશી દારુની આ ઘટનાને પગલે તાલુકાના વિવિધ ગામોએ એકથી બીજા સ્થળે દેશી દારુની હેરાફેરી થતી હોવાની શંકાઓ ઉઠવા પામી છે.
ગુલામહુશેન ખત્રી રાજપારડી જી.ભરૂચ
