પ્રાપ્ત માહિતી અનુસાર વાલિયા તાલુકાના કોંઢ ગામના દેસાઈ ફળિયામાં રહેતા ગૌતમ ભાઈ કૌશિકભાઈ દેસાઈ ગત રોજ આશરે રાતે 1૦ વાગ્યાની આસપાસ ઘરના સભ્યો સાથે બેઠા હતા તે દરમિયાન ગામના ફૈઝલ હનીફભાઈ પટેલ,અહમદ રાવત અને અબ્દુલ અટન બાઈક લઇ ઝડપથી અને હોર્ન વગાડી પસાર થઇ રહ્યા હતા જે વેળાએ બાળકો રમતા હોય બાઈક સવાર યુવાનોને બાઈક ધીમી અને હોર્ન નહી વગાડવા મુદ્દે ગૌતમભાઈ દેસાઈએ ઠપકો આપતા ઉશ્કેરાયેલા યુવાનોએ અન્ય આઠ યુવાનોને મળી ગૌતમભાઈ દેસાઈ અને તેઓના પરિવારજનોને લાકડા અને ઢીકા પાટુનો મારમારતા તેઓને અને તેઓના પરિવારના ત્રણ સભ્યોને ઈજા થતા તેઓને તાત્કાલીક સારવાર અર્થે વાલિયા ખાતે ખસેડવામાં આવ્યા હતા જયારે હુમલાખોરોએ પથ્થરમારો કરતા ઘરની બહાર પાર્ક કરેલ વાહનોમાં નુકશાન થવા પામ્યું હતું બનાવ અંગે ગૌતમ દેસાઈએ વાલિયા પોલીસ મથકે ફરિયાદ નોધાવી હતી
જયારે સામે પક્ષે પણ વાલિયા પોલીસ મથકે ફરિયાદ નોધાવી હતી જેમાં જણાવ્યા અનુસાર ફૈઝલ હનીફ પટેલ અને તેના બે મિત્રો બાઈક લી દેસાઈ ફળીયામાંથી પસાર થઇ રહ્યા હતા તે વેળાએ ગૌતમભાઈ દેસાઈએ અહી કેમ હોર્ન મારો છો ખી આવેશમાં આવી જઈ ફૈઝલ હનીફભાઈ પટેલ,અહમદ રાવત અને અબ્દુલ અટન પર હુમલો કરી મારમારતા ત્રણેય યુવાનોને ઈજા પહોંચતા ઈજાગ્રસ્તોને તાત્કાલીક સારવાર અર્થે ખસેડવામાં આવ્યા હતા બનાવ અંગે ફૈઝલ પટેલે વાલિયા પોલીસ મથકે ગૌતમ દેસાઈ સહીત 10 ઇસમો વિરુદ્ધ ગુનો નોધાવ્યો હતો બનાવ અંગે વાલિયા પોલીસે બન્ને પક્ષોની ફરિયાદ નોધી વધુ તપાસ હાથ ધરી છે આ ઘટનાની ગંભીરતાને ધ્યાનમાં રાખી ચુસ્ત પોલીસ બંદોબસ્ત ગોઠવી દેવામાં આવ્યો છે
