વડોદરા ૧૦૮ ના આરોગ્ય સેવકોનું કલેકટર એ કર્યું સન્માન.

ઉમદા જીવન રક્ષક આરોગ્ય સેવાઓ સમયસર ઉપલબ્ધ કરાવનાર ૧૦૮ જીવીકે ઈએમઆરઆઈ સેવાઓના કર્મયોગીઓનું વડોદરા જિલ્લા કલેકટર અતુલ ગોરના હસ્તે સન્માન કરવામાં આવ્યું હતું. તેમાં ૧૦૮ ના ઈ.એમ.ટી. નિધિ પટેલ, કમલેશ ઓડ, પાયલોટ વિરલ પટેલ, રાજેન્દ્રસિંહ રાજ અને ખિલખિલાટ સેવાના કોમલ મહેરાનો સમાવેશ થતો હતો.

જિલ્લા કલેકટર એ આ તમામ આરોગ્ય સેવકોની કાર્ય નિષ્ઠાને બિરદાવી હતી. તેમણે ૧૦૮ ની જીવન સુરક્ષક સેવાઓની પ્રશંસા કરી હતી. સન્માનીતોને પદક અને પ્રમાણપત્રો આપવામાં આવ્યા હતા. આ સેવાના વડોદરા અને આણંદ જિલ્લાના પ્રોગ્રામ મેનેજર નિલેશ ભરપોડાએ કાર્યક્રમનું સંકલન કર્યું હતું.