બહુચર્ચિત સ્વીટી પટેલ મર્ડર મિસ્ટ્રી પોલીસ દ્વારા આરોપીઓને ગુનાના રિકન્ટ્રક્શન અર્થે કરજણ લાવવામાં આવ્યા હતા. કાયદાનો રક્ષક જ ભક્ષક બની પત્ની સ્વીટી પટેલની ઠંડે કલેજે હત્યા કરવાનો મામલો હાલ તો સમગ્ર કરજણ તાલુકા સહિત વડોદરા જિલ્લામાં ચર્ચાની એરણે ચડ્યો છે. ગતરોજ આરોપી અજયદેસાઈ અને હત્યામાં મદદ કરનાર કિરીટસિંહ જાડેજાને કોર્ટમાં રજૂ કર્યા હતા. કોર્ટે બન્ને આરોપીઓને 11 દિવસના રીમાંડ મંજુર કર્યા હતા.
ક્રાઇમ બ્રાન્ચ પોલીસ દ્વારા આરોપીઓને ગુનાના રિકન્ટ્રક્શન અર્થે મંગળવારે કરજણ લાવવામાં આવ્યા હતા. પોલીસ દ્વારા પ્રયોસા રેસિડન્સી ખાતે આવેલ મકાન નંબર પાંચમાં આરોપીને લઈ જઈ હત્યાનું રીકન્ટ્રક્શન કરવામાં આવ્યું હતું. હવે જોવાનું એ રહ્યું કે સ્વીટી પટેલની ચકચારી હત્યા કેસમાં ક્રાઇમ બ્રાન્ચ દ્વારા ચાલી રહેલી તલસ્પર્શી તપાસમાં રેલો ક્યાં સુધી પહોંચશે તે તો આવનારો સમય જ બતાવશે.
યાકુબ પટેલ, કરજણ
