વડોદરા જિલ્લાના કરજણ તાલુકાના ભરથાણા ગામની સીમમાંથી પસાર થતા રાષ્ટ્રીય ધોરીમાર્ગ નંબર ૪૮ પર આવેલા ટોલ નાકા પાસેથી વડોદરા રૂરલ એલ સી બી પોલીસે ૧૧ લાખ ઉપરાંતનો ભારતીય બનાવટનો વિદેશી દારૂ ઝડપી પાડતા દારૂનો ગેરકાયદેસર વેપલો કરતા બુટલેગરોમાં ફફડાટ વ્યાપી જવા પામ્યો છે. પોલીસ સૂત્રોના જણાવ્યા અનુસાર ભરથાણા ગામે આવેલ ટોલનાકા ઉપરથી એક આઇસર ગાડી ડીડી -૦૧ – એલ – ૯૧૩૦ મા વગર પાસ પરમીટે ભારતીય બનાવટના વિદેશી દારૂની પેટી નંગ- ૨૬૨ જેમા કુલ બોટલ નંગ- ૫૪૭૨ કી. રૂ. ૧૧,૪૪,૮૦૦/- તથા મોબાઇલ ફોન નંગ-૧ કિ. રૂા.૧૦,૦૦૦/- તથા આઇસર ગાડી કિ.રૂા.૧૦,૦૦,૦૦૦/ તથા એક જી.પી.એસ કિ.રૂ.૫,૦૦૦/- મળી કુલ કી.રૂ. ૨૧,૫૯,૮૦૦/- ના મુદ્દામાલ સાથે સુરેશકુમાર તેજારામ બિસ્નોઇ રહે, ૮૨ ધનાણીયો કી ઢાણી, ગામ હાલીવાવ, પોસ્ટ વીરાવા તા. સાચોર જી. જાલોર રાજસ્થાનને ઝડપી પાડ્યો હતો.
તેમજ આ વિદેશી દારૂનો જથ્થો ભરેલ આઇસર ગાડી અપાવનાર ભવરલાલ બિસ્નોઇ રહે. સરનાઉ તા. સાંચોર જી.જાલોર રાજસ્થાન જેના પુરા નામ ઠામની ખબર નથી તે તેમજ આઇસર ગાડી આપનાર ટીકમારામ જાટ રહે, બાલોતરા તા.જી. બાલોતરા રાજસ્થાન જેના પુરા નામ સરનામાની ખબર નથી તે તેમજ આ વિદેશી દારૂ મંગાવનાર તમામ વિરૂધ્ધમા કરજણ પોલીસ મથકમાં ગુનો રજીસ્ટર કરાવ્યો છે.
યાકુબ પટેલ, કરજણ
