વડોદરા જિલ્લાના કરજણ તાલુકાના કિયા ગામના પાટિયા પાસેથી વડોદરા રૂરલ એલ સી બી પોલીસે છ લાખ ઉપરાંતનો ભારતીય બનાવટના વિદેશી દારૂના જથ્થા સાથે એક બુટલેગરની ધરપકડ કરી હતી. પોલીસ સૂત્રોના જણાવ્યા અનુસાર વડોદરા રૂરલ એલ સી બી પોલીસને બાતમી મળી હતી કે એક ટ્રકમાં ભારતીય બનાવટના વિદેશી દારૂનો જથ્થો ભરી ટ્રક વડોદરા તરફ આવી રહી છે. જે બાતમીના આધારે પોલીસે કિયા ગામના પાટીયા સામે રાયકા મહાદેવ હોટલની આગળ ભરૂચ થી વડોદરા તરફ આવતા ને.હા નં.૪૮ ઉપર થી ટ્રક નંબર HR-39-C-6466 માં ભારતીય બનાવટનો વિદેશી દારુની પેટી હતી.
જે નંગ-૧૨૯ જેમા કુલ બોટલ નંગ ૧૫૪૮ કિ.રૂ. ૬,૧૯,૨૦૦/- નો તથા મોબાઇલ ફોન નંગ-૧ કિ.રૂા. ૫૦૦/- તથા ટ્રક નં કિ.રૂા. દસ લાખ મળી કુલ કી રૂ. ૧૬,૧૯,૭૦૦/- ના મુદામાલ સાથે અવતારસિંહ જગીરસિંહ ચૌહાણ રહે.બકાના શરીફ ગઢ તા.શાહબાદ માર્કડા જી.કુરૂક્ષેત્ર હરીયાણાનો ઝડપાઈ ગયો હતો. તેમજ કુલદીપ નામનો માણસ રહે. અંબાલા તથા તપાસમા જણાઇ આવે તેઓ તમામ વિરૂધ્ધમા પ્રોહી એક્ટ હેઠળ કરજણ પોલીસ મથકમાં ગુનો રજીસ્ટર કરાવ્યો છે.
યાકુબ પટેલ, કરજણ
