વડોદરામાં IPL ની મેચ પર સટ્ટો રમતા સયાજીગંજના બે યુવક ઝડપાયા

સયાજીગંજના ભીમનાથ મંદિર નજીક એક મકાનમાં આઈપીએલની મેચ પર સટ્ટો રમવામાં આવી રહ્યો હોવાની વિગતોને પગલે સયાજીગંજ પોલીસે દરોડો પાડ્યો હતો. આ વખતે રાજસ્થાન રોયલ્સ અને કિંગ ઇલેવન પંજાબ ટીમ વચ્ચે ટીવી પર ચાલતી મેચ જોઈ બે યુવકો મોબાઇલ પર સટ્ટો કપાવી રહ્યા હોવાનું પોલીસને જાણે આવતા પોલીસે બંનેની અટકાયત કરી મોબાઈલ ટીવી તેમજ રોકડા રૂ.1150 કબ્જે કર્યા હતા. પોલીસે જીગ્નેશ પ્રવીણભાઈ પરમાર તેમજ વિરાજ મહિપતસિંહ રાઉલજી (બંને રહે.ભીમનાથ મંદિર નજીક, સયાજીગંજ) સામે ગુનો નોધી સટ્ટો કોની પાસે કપાવતા હતા તે મુદ્દે તપાસ હાથ ધરી છે.