Proud of Gujarat
FeaturedGujaratINDIA

વડોદરા : ઇકો ગાડીના સાયલેન્સરોની ચોરી કરનાર બે આરોપીઓને પકડી પાડતી ક્રાઇમ બ્રાન્ચ.

Share

વડોદરામાં સાઇલેન્સર ચોરીના બનાવો દિવસે વધી રહ્યા હોવાથી પોલીસે ચોરોને પકડવા માટે સીસીટીવી ફૂટેજ તેમજ ટોલ નાકાના સીસીટીવી ફૂટેજ ચેક કર્યા હતા. ગોત્રી જીઇબી સ્ટેશન નજીક રાતે પોલીસ પેટ્રોલિંગમાં હતી તે દરમિયાન ફોર્ડ ફીગો કારના ચાલકે દૂરથી જ ટર્ન લઇ કાર પાછી વાળી દેતા પોલીસને શંકા ગઈ હતી. પોલીસે પીછો કરતા બંને જણા કારમાંથી ઉતરીને ભાગવા ગયા હતા પરંતુ પકડાઈ ગયા હતા. પોલીસની પૂછપરછ દરમિયાન પકડાયેલાનું નામ મોહમ્મદ મુસ્તાક ઈકબાલ હુસેન શેખ અને સજ્જાદ ઉર્ફે મક્કા મોહમ્મદ સિદ્દીક શેખ હોવાનું જણાઇ આવ્યું હતું અને બન્ને અમદાવાદના હોવાનું ખુલ્યું હતું. તેઓની કારમાંથી પાંચ સાયલેન્સર મળી આવતા પૂછપરછ દરમિયાન બંને જણા અમદાવાદથી કારના સાઇલેન્સર ચોરવા આવતા હોવાની તેમજ વડોદરાના જુદા જુદા વિસ્તારોમાંથી 21 જેટલી કારને નિશાન બનાવી હોવાની વિગતો ખૂલી હતી.

કારના સાઇલેન્સર કાઢી લેતી ટોળકીની પસંદગી માત્ર ઇકો કાર જ રહેતી હતી. પોલીસને ચકમો આપવા માટે આ ટોળકી અમદાવાદથી જુદી જુદી કાર લઈને વડોદરામાં આવતી હતી. કારના સાઇલેન્સર ચોરી ગયા બાદ તેઓ શું કરતા હતા તે મુદ્દે ક્રાઈમ બ્રાન્ચની ટીમ તપાસ ચલાવી રહી છે.

Advertisement

Share

Related posts

વડોદરા સ્ટેશન પરથી નકલી આધારકાર્ડ સાથે ઝડપાયેલી બે બાંગ્લાદેશી સહિત ત્રણ યુવતીઓ નારી સંરક્ષણ ગૃહમાંથી ફરાર.

ProudOfGujarat

રાજ્ય તલાટી મંડળે તમામ તલાટીઓને સચેત રહી સરકારી તંત્રની સુચનાનો અમલ કરવા આદેશ : બે કરોડ રૂપિયા મંડળ આપશે.

ProudOfGujarat

સુરતમાં પેટ્રોલ પંપ પર ફ્રી પાણીની બોટલને લઈને દારૂના નશામાં યુવકનો ઝઘડો : પંપના કર્મચારીઓએ માર માર્યા બાદ યુવકનું મોત…

ProudOfGujarat

Leave a Comment

error: Content is protected !!