વડોદરાના સયાજીગંજ વિસ્તારમાં સાયલન્સર ચોરી પ્રકરણમાં એક આરોપીની પોલીસે ધરપકડ કરી.

વડોદરા સયાજીગંજ પોલીસે બાતમી મળેલ કે એક ઈસમ ગોધરાથી વડોદરા ગાડી નંબર GJ,23,AN 2734 લઈને વડોદરામાં સાયલન્સર ચોરી કરવા આવ્યો છે જે બાતમીના આધારે પોલીસે વોચ ગોઠવી હતી દરમિયાન કમાટીબાગ રોડ ખાતે પાર્કિંગમાં આ ઈસમ ઉભો હતો.

જે બાદ પોલીસે ઈસમ પાસે જઇ તેને વિશ્વાસમાં લઇ તેની પૂછપરછ હાથ ધરતા તેણે ગત ૧૩-૧૧-૨૦૨૨ ના રોજ ફાઇન આર્ટસ કોલેજના ગેટ પાસેના પાર્કિંગમાંથી એક ઇકો ગાડીનું સાયલન્સર ચોરી કરી હોવાનું જણાવ્યું હતું જે બાદ સયાજીગંજ પોલીસે તોસિફ મહંમદ હનીફ હયાત રહે,વેજલપુર રોડ ગોધરા નાઓની ધરપકડ કરી તેની પાસેથી ૩,૮૮ લાખનો મુદ્દામાલ કબ્જે કરી તેની સામે કાયદેસરની કાર્યવાહી હાથધરી છે.