બનાવ અંગેની પ્રાપ્ત માહિતી અનુસાર વડોદરાના ગોત્રી રોડ પર આવેલ પ્રિયા સિનેમા પાસે સ્ટાર શિલ બિલ્ડીંગની સામેના જાહેર માર્ગ પર ઇજાગ્રસ્ત વૃદ્ધનો મૃતદેહ મળતા ચકચાર મચ્યો હતો, સ્થાનિકો એ મામલે ગોત્રી પોલીસને જાણ કરતા પોલીસનો કાફલો સ્થળ ઉપર પહોંચ્યો હતો.
ગોત્રી પોલીસે સ્થળ પર પોહચી તપાસ કરતા મૃતકની ઓળખ છતી થઈ હતી. મૃતકનું નામ ચંદ્રકાંત સિર્કે હોવાનું સામે આવ્યું હતું, તેમજ તે ગોરવાના રહીશ ચંદ્રકાંતભાઈ સિક્યુરિટી ગાર્ડ તરીકે ફરજ બજાવતા હોવાનું માલુમ પડ્યું હતું. પોલીસે તપાસ કરતા મૃતદેહ પર ઈજાના નિશાન મળી આવ્યા હતા, જે બાદ પોલીસે તપાસના ધમધમાટ શરૂ કર્યા છે. હાલ મામલે હત્યા છે કે કુદરતી મોત તેનું રહસ્ય અકબંધ છે.
Advertisement
