લીંબડી હાઇવે ઓટો પાર્ટસ પાર્થ ગેરેજમાં તસ્કરો ત્રાટકયા હતા. આ વિસ્તારમાં તસ્કરો બેફામ બની ગયા છે ત્યારે તસ્કરોને પોલીસતંત્રની બીક ન હોય તેમ અડધી રાત્રે શટર તોડી એક તિજોરી બહાર કાઢી તસ્કરી કરી તસ્કરો ફરાર થઈ ગયા હતા.
સવાર પડતાં ચોરી અંગેની જાણ થતાં પોલીસ ઘટના સ્થળે પહોંચી ગયા હતા. જોકે કેટલી રકમની ચોરી થઈ એની હાલ ખબર પડી શકી નથી. પરંતુ હાલ તસ્કરો મોટી મત્તાનો હાથ ફેરો કરી ગયા હોય તેમ જણાયું છે. સ્થળ ઉપર એલસીબી, લીંબડી પીએસઆઈ સહિત પોલીસ કાફલો દોડી આવી તપાસનો દોર શરૂ કર્યો હતો. આ બનાવ અંગે સંડોવાયેલને પોલીસ શોધી શકશે કે કેમ તે તો આવનાર સમય જ બતાવી શકશે.
Advertisement
