સુરત પંથકમાં અસામાજિક તત્વો બેફામ બની ગયા છે. અસામાજિક તત્વોને પોલીસ કે કાયદાનો કોઈ ભય હોય તેમ જણાતું નથી તેનો પુરાવો આપતી એક સનસનાટી ભરેલ ઘટના બની હતી. આ ઘટનાની વિગત જોતા રુવાડા ઉભા થઈ જાય છે. ઘટનાની વિગત જોતા સુરતમાં અસામાજિક તત્વોનો સરાજાહેર આતંક મચાવી રહ્યા છે એમ જણાઈ રહ્યું છે. જેમ કે દિન દહાડે ઓફિસમાં બેઠેલા યુવક પર ચપ્પુ વડે જીવલેણ હુમલો કરાયો હોય તેવી ઘટના બની હતી. ઇજાગ્રસ્ત યુવાનને ગંભીર હાલતમાં યુવકને સારવાર અર્થે નવી સિવિલ ખસેડવામાં આવ્યો હતો.
યુવકના પીઠના ભાગે ઉતરી ગયેલા ઘાતક હથિયાર સાથે હોસ્પિટલ લાવવામાં આવ્યો હતો જે જોતા ડોક્ટરો પણ ઇજાગ્રસ્ત યુવકને જોઈ ચોંકી ઉઠ્યા હતાં. હાલ ઘટના અંગે પોલીસે તપાસ હાથ ધરી છે. વિશાલ સિંહ અને ચીંતું પાંડે નામના યુવક પર ચપ્પુ વડે હુમલો કરાયો હતો. પાંચ જેટલા શખ્સો ઘાતક હથિયાર સાથે ઘસી આવ્યા હતા. આ અસામાજિક તત્વોએ ઓફિસમાં પણ કરી તોડફોડ કરી હતી.
