સુરત તેમજ અમદાવાદમાં આમ આદમી પાર્ટી દ્વારા રાષ્ટ્ર નિર્માણ અભિયાન અંતર્ગત સભ્ય નોંધણી પ્રક્રિયાનો પ્રારંભ કરવામાં આવ્યો.

દિલ્હીમાં સતત ત્રીજી ટર્મમાં જ્વલંત વિજય હાંસલ કરનારી આમ આદમી પાર્ટી હવે ગુજરાતના રાજકારણમાં ઝંપલાવી રહી છે. જેના ભાગરૂપે સુરત તેમજ અમદાવાદથી કાર્યકર્તા નોંધણી અભિયાનનો પ્રારંભ કર્યો હતો. આજરોજ સુરત તેમજ અમદાવાદમાં આમ આદમી પાર્ટી દ્વારા રાષ્ટ્ર નિર્માણ અભિયાન અંતર્ગત સભ્ય નોંધણી પ્રક્રિયાનો પ્રારંભ કર્યો હતો. આમ આદમી પાર્ટીના અગ્રણી નેતાએ જણાવ્યું હતું કે આગામી સ્થાનિક સ્વરાજ્યની તમામ ચૂંટણીઓમાં આમ આદમી પાર્ટી તમામ બેઠકો ઉપર ઉમેદવારો ઉતારશે,આ અભિયાનના ભાગરૂપે પાર્ટીમાં જોડાવા ઇચ્છુક લોકો માટે સભ્ય નોંધણી એપ તેમજ મોબાઈલ નંબર જાહેર કરવામાં આવ્યો છે. જેના આધારે લોકો આમ આદમી પાર્ટીમાં જોડાઈ શકશે.