સુરતના વરાછા વિસ્તારમાં ૧૬ વર્ષીય તરૂણી સાથે દુષ્કર્મ આચરનાર રિક્ષાચાલકની વરાછા પોલીસે અટકાયત કરી.

સુરતના વરાછા વિસ્તારમાં 16 વર્ષીય તરૂણી સાથે એક રીક્ષા ચાલકે પ્રેમ સંબંધની આડમાં લલચાવી ફોસલાવીને દુષ્કર્મ આચર્યું હતું. પોલીસની પ્રાથમિક પૂછપરછમાં જાણવા મળ્યું હતું કે રિક્ષાચાલક સુનિલ શાહએ ૧૬ વર્ષીય તરૂણીને અલગ-અલગ જગ્યાએ લઈ જઈને શારીરિક સંબંધો બાંધ્યા હતા. આ અંગેની જાણ તરૂણીના પરિવારજનોને થતાં તેઓએ વરાછા પોલીસ મથક ખાતે રિક્ષાચાલક સુનીલ શાહ વિરુદ્ધ ગુનો દાખલ કરાવ્યો હતો. વરાછા પોલીસે રિક્ષાચાલક સુનિલ શાહ વિરુદ્ધ પોક્સો તેમજ દુષ્કર્મની કલમો હેઠળ કાયદેસરની કાર્યવાહી હાથ ધરી અટકાયત કરી હતી.