સુરતનાં ચૌટા બજારની દબાણ હટાવો ટીમ પર ઉશ્કેરાયેલા યુવાન સહિત લોકોએ હુમલો કરતાં પાલિકાની દબાણ શાખાનાં લોકોને ભાગવાનો વારો આવ્યો હતો મારનારાઓ CCTV કેમેરામાં કેદ થયા હતા.

આજરોજ સુરતનાં ચૌટા બજારમાં ટ્રાફિકને અડચણ રૂપ દુકાનદારો દ્વારા થતાં દબાણો હટાવવા માટે પાલિકાની દબાણ શાખાની ટીમ પોલીસ બંદોબસ્ત સાથે ગઈ હતી.

જોકે ત્યાં દુકાનદારો અને પાલિકાનાં અધિકારીઓ વચ્ચે બોલાચાલી થતાં ઉશ્કેરાયેલા લોકો પૈકી કેટલાક લોકોએ પાલિકાની ટીમ ઉપર હુમલો કરી દીધો હતો. લોકોએ પાલિકાનાં ગાર્ડ અને કર્મચારીઓને લાતો અને લાફા ઝીંકી દીધા હતા. જયારે આ દરમ્યાન લોકટોળા એકત્ર થતાં લોકોએ ટપલી દાવ કરી નાંખ્યો હતો. આ દરમ્યાન એક દુકાનમાં આગ લાગતાં દોડધામ મચી અને લોકો ઉશ્કેરાયા અને અધિકારીઓને દોડાવીને ભગાડી મૂકયા હતા. જોકે આ સમગ્ર ધટના CCTV કેમેરામાં કેદ થઈ ગઈ હતી. હવે જોવાનું રહ્યું કે પોલીસ આગળ શું કરે છે. પાલિકાની ફરિયાદ દાખલ થશે તે નકકી જ છે.