સુરત ક્રાઇમ બ્રાંચ પોલીસે છેલ્લા કેટલાક સમયથી સુરત શહેરમાં નોંધાયેલ મોબાઈલ ચોરી, મોબાઈલ સ્નેચીંગ તેમજ ચોરી સહિતના ગંભીર ગુનામાં સંડોવાયેલા વોન્ટેડ ગુનેગારોને ઝડપી પાડવા સધન ઝુંબેશ હાથ ધરી છે. આ અંતર્ગત સુરત ક્રાઇમ બ્રાંચના પી.એસ.આઇ. પી.એમ.વાળા અને તેમની ટીમે મોબાઈલ ચોરી સહિત અન્ય ગંભીર ગુનામાં વોન્ટેડ એવો આરોપી મોહમંદ નદીમ, મોહમંદ શબ્બીર બનારસી ઉં.વર્ષ 23, રહે.બનારસી મહોલ્લો, માછીવાડ, સુરત નાઓને ઝડપી પાડયા હતા.
આ આરોપીના સુરતના વિવિધ પોલીસ મથકોમાં કુલ 14 જેટલા ગુનાઓ રજીસ્ટર્ડ થયેલ છે અને તે પોલીસથી નાસતો ફરતો હતો. આ આરોપી વર્ષ 2016 થી ગુનાહિત ભૂતકાળ ધરાવે છે અને સુરતમાં બાઇક ઉપર ફરી મોટર સાયકલ ઉપર જતાં કે રાહદારઇઓના હાથમાંથી મોબાઈલ ચોરી પલાયન થઈ જવાની મોડેસ ઓપરેન્ડી ધરાવે છે.
Advertisement
