ઉમરપાડા તાલુકાના વાડી ગામે બસ સ્ટેશનમાં ગંજીપાનાનો જુગાર રમી રહેલા ચાર જુગારીયાને ઉમરપાડા પોલીસે ₹10,880 ના મુદ્દામાલ સાથે ઝડપી પાડ્યા હતા.
ઉમરપાડા પોલીસ સ્ટેશન વિસ્તારમાં પેટ્રોલીંગમાં હતા. તે દરમ્યાન પોલીસ કોન્સ્ટેબલ દૃષિતભાઇ મનસુખભાઈ તથા સંજયભાઇ શંકરભાઇ, ખાનગી બાતમી મળી હતી કે વાડી ગામે વાડી બસ સ્ટેશનમાં કેટલાક ઇસમો ભેગા થઈ ગંજીપાના વડે હાર જીતનો જુગાર રમી રમાડે છે અને હાલમાં પ્રવૃતી ચાલુ છે જે બાતમીના આધારે ઉમરપાડા પો.સ્ટે.ના પો.સ.ઇ. એ.ડી.સાંબડના હોય પોલીસ કર્મચારીઓની ટીમ સાથે બાતમીવાળી જગ્યાએ આવી રેડ કરતા જુગાર રમી રહેલા રવિશંકર શાંતિભાઈ મહેતા રહે. કેવડી તા.ઉમરપાડા, જશવંતભાઈ ગણપતભાઈ વસાવા રહે.વાડી તા.ઉંમરપાડા, છત્રસિંહ મોહનભાઈ વસાવા રહે.નસારપુર તા.ઉમરપાડા, સન્મુખભાઈ સુરજીભાઈ વસાવા. રહે પાટી ખેડા, તાલુકો નેત્રંગ, જીલ્લો ભરૂચ સહિત ચાર ઈસમોને રૂપિયા ૧૦,૮૮૦ ના મુદ્દામાલ સાથે ઝડપી લઇ જુગાર ધારાની કલમ હેઠળ કાયદેસરની કાર્યવાહી કરી હતી.
