Proud of Gujarat
Crime & scandal

સુરતમાં પિતાએ છરાથી દીકરીને રહેંસી નાંખી, પત્ની અને ત્રણ પુત્રોને પણ ઘાયલ કર્યા

Share

સુરતના કડોદરામાં એક પિતાએ માત્ર નાની બાબતમાં પરિવારના સભ્યો પર ઘાતક હૂમલો કર્યાનો બનાવ સામે આવ્યો છે. કડોદરા વિસ્તારમાં રહેતા પરિવારમાં માત્ર સુવાની બાબતે થયેલી બબાલમાં પિતા ઉશ્કેરાયો હતો અને દીકરીને છરાના 17 ઘા મારીને મોતને ઘાટ ઉતારી દીધી હતી. તે ઉપરાંત તેણે પત્ની અને ત્રણ પુત્રને પણ મટન કાપવાના છરાના ઘા માર્યા હતાં. આ ઘટનાથી આસપાસના વિસ્તારમાં ચકચાર મચી જવા પામી છે. પોલીસે હત્યારા પિતાને ઝડપીને વધુ કાર્યવાહી હાથ ધરી છે.

પ્રાપ્ત વિગતો પ્રમાણે સુરતના કડોદરામાં સત્યમ નગર વિસ્તારમાં મૂળ બિહારનો રામાનુજ શાહુ, પત્ની રેખાદેવી, દીકરી ચંદાકુમારી અને ત્રણ દીકરાઓ સૂરજ, ધીરજ અને વિશાલ સાથે રહે છે. રામાનુજ મિલમાં મજૂરી કામ કરતો હતો. રાત્રે ધાબા પર પત્ની સાથે સુવા બાબતે રામાનુજનો ઝઘડો થયો હતો. આ ઝઘડાના કારણે દીકરી ચંદા અને તેના ત્રણ ભાઈઓ દોડી આવ્યા હતા. માતાને બચાવવા માટે પ્રયાસ કર્યો હતો. પિતાએ સગા દીકરાઓ અને દીકરી પર છરાથી હુમલો કરી દીધો હતો.

Advertisement

રામાનુજે હુમલો કરતા પત્નીની આંગળીઓ કપાઈ ગઈ હતી. ત્યારબાદ તે થોડી દૂર જતી રહી હતી. માતાને બચાવવા આવેલા દીકરાઓ પર પણ પિતાએ હુમલો કર્યો હતો. જેમાં ત્રણે દીકરાઓને ઈજા પહોંચી હતી. પિતાના હાથમાં દીકરી આવી જતા તેના પર છરાથી ઉપરાછાપરી 17 જેટલા ઘા માર્યા હતા. દીકરીના ચહેરા પર મારવામાં આવેલા ઘાથી ચહેરાના બે ભાગ થઈ ગયા હતા અને દીકરીનું ઘટનાસ્થળે જ મોત થયું હતું.

ઈજાગ્રસ્ત માતા અને ત્રણ દીકરાઓને ઈજા પહોંચતા હોસ્પિટલમાં સારવાર અર્થે ખસેડવામાં આવ્યા હતા.આ ઘટનાની જાણ થતા પોલીસ પણ દોડી આવી હતી અને હત્યા કરનાર પિતા રામાનુજને ઝડપી પડ્યો હતો. દીકરી ચંદાના મૃતદેહને સુરત સિવિલ હોસ્પિટલ ખાતે પોસ્ટમોર્ટમ અર્થે ખસેડવામાં આવ્યો હતો. પોસ્ટમોર્ટમ બાદ ચંદાના મૃતદેહને પરિવારને સોંપવામાં આવશે.


Share

Related posts

અંકલેશ્વરનાં ઉમરવાડા ગામ ખાતે પત્ની સાથે આડા સબંધનાં વહેમમાં એક વ્યક્તિની હત્યા, પોલીસે કરી આરોપીની ધરપકડ.

ProudOfGujarat

૧૯ વર્ષ થી નાસતા ફરતાં આરોપી ને ભરૂચ પેરોલફ્લૉ સ્કોડ દ્વારા ઝડપી પાડવામાં આવ્યો હતો …..

ProudOfGujarat

ભરૂચ ના ઝાડેશ્વર રોડ પર તુલસીધામ પાસે આવેલ રંગ કૃપા સોસાયટી ના એક મકાન માં ટ્રિપલ હત્યા થી ખળભળાટ…… જાણો વધુ

ProudOfGujarat

Leave a Comment

error: Content is protected !!