સુરત જિલ્લા કોંગ્રેસ સમિતિના નવનિયુક્ત પ્રમુખ મનહર પટેલ ઉમરપાડા ખાતે આવી પહોંચતા કોંગ્રેસના કાર્યકરોએ તેમનું સ્વાગત સન્માન કર્યું હતું
સુરત જિલ્લા કોંગ્રેસનું સુકાન મનહરભાઈ પટેલે સંભાળ્યા બાદ પ્રથમવાર તેઓ ઉંમરપાડા તાલુકાની મુલાકાતે આવ્યા હતા આ સમયે તેમણે કોંગ્રેસના કાર્યકરો સાથે એક બેઠક યોજી જણાવ્યું કે આગામી સમયમાં આપણે કોંગ્રેસના સંગઠનને ગામે ગામ અને ઘર ઘર સુધી લઈ જવું પડશે મોંઘવારી બેકારી સહિત અનેક પ્રકારની સરકારની નિષ્ફળતાઓથી તમામ વર્ગના લોકો કંટાળી ગયા છે.
આવનારી વિધાનસભાની ચૂંટણીમાં કોંગ્રેસ લોકોનો વિશ્વાસ જીતવામાં સફળ થશે એ વાત હવે સ્પષ્ટ થઈ ચૂકી છે સત્તાધારી પક્ષનો કોઈપણ જાતનો ડર રાખ્યા વિના ઉંમરપાડા વિસ્તારના લોકોની જે મુશ્કેલીઓ છે અને લોક પ્રશ્નોનો છે તેને વાંચા આપો પ્રશ્નોના નિરાકરણ માટે લડત આંદોલનનું આયોજન કરો જિલ્લા કોંગ્રેસ સમિતિ તમારા કાર્યક્રમમાં હાજર રહેશે કોંગ્રેસનું સંગઠન તમારી પડખે છે લોકોને ન્યાય અપાવવાનું કામ આપણે કરવું પડશે. આ કાર્યક્રમમાં તાલુકા કોંગ્રેસ સમિતિના પ્રમુખ હરીશ વસાવા, જગતસિંહ વસાવા, હિતેશ પટેલ, ભુપેન્દ્ર વસાવા, સોહનલાલ સેન, ધારાસિંગ સહિતના કાર્યકર્તાઓ ઉપસ્થિત રહ્યા હતા.
વિનોદ મૈસુરિયા : વાંકલ
