સુરતનાં તાપી રિવરફ્રન્ટના ડોમમાં લાગી ભીષણ આગ.

સુરત તાપી રિવરફ્રન્ટ ખાતે ડોમમાં ભીષણ આગ લાગવાની ઘટના સામે આવતાં અફરાતફરી મચી ગઇ હતી. બે દિવસ પહેલા રિવરફ્રન્ટમાં આગ લાગ્યા બાદ આજે ફરી એક વખત રિવરફ્રન્ટના ડોમમાં આગ લાગી હતી. આગ એટલી ભીષણ હતી કે, દૂર દૂર સુધી તેના ધુમાડા જોવા મળ્યા હતા.

રિવરફ્રન્ટના ડોમમાં આગ લાગતાં જ ફાયર વિભાગ પણ ઘટના સ્થળે પહોંચ્યું હતું. થોડી જ મિનિટોની અંદર આગ એટલી વિકરાળ બની કે, સમગ્ર ડોમને લપેટમાં લઇ લીધો હતો. ફાયર ફાઈટરની ગાડીઓ ઘટના સ્થળ ઉપર પહોંચીને આગ ઉપર કાબૂ મેળવે તે પહેલા આખો ડોમ બળીને ખાખ થઈ ગયો હતો. સદનસીબે સમગ્ર ઘટનામાં કોઈ જાનહાની થઈ નથી.