નાંદોદ તાલુકાનાં કાકડવા ગામે ટ્રેક્ટર પલ્ટી ખાઈ જતા ટ્રેકટર નીચે દબાઈ જવાથી ગામનાં યુવાનનું મોત.

રાજપીપલા : નાંદોદ તાલુકાના કાકડવા ગામે ટ્રેક્ટર પલ્ટી ખાઈ જતા ટ્રેકટર નીચે દબાઈ જવાથી ગામનાં યુવાનનુ મોત નીપજતા ટ્રેક્ટર ચાલક સામે આમલેથા પોલીસ મથકે ફરિયાદ નોંધાઈ છે જેમાં ફરીયાદી બાબુભાઈ હકમસીંગ વસાવા (ઉ.વ ૫૦ ધંધો મજુરી રહે. કાકડવા નિશાળ ફળીયુ તા.નાંદોદ) એ આરોપી ટ્રેકટર નંબર GJ 22 H 6389 નો ચાલક નિલેશભાઈ શંકરભાઈ વસાવા (રહે કાકડવા તા.નાંદોદ) સામે ફરિયાદ નોંધાઈ છે.

ફરિયાદની વિગત અનુસાર આરોપીએ પોતાના કબજાનુ ટ્રેકટર નંબર GJ 22 H 6389 નુ ગફલતભરી રીતે અને બેફિકરાઇપણે ચલાવી લાવી ટ્રેકટર પલ્ટી ખાઈ જતા વિક્રમભાઈ મોરલીભાઈ વસાવા (ઉ.વ ૨૧ રહે કાકડવા )ટ્રેકટર નીચે દબાઈ જતા શરીરે પાછળના ભાગે બંને પાંસળીઓ ઉપર તથા કમરના ભાગે ગંભીર ઇજાઓ પહોચતા તેનું ઘટના સ્થળે જ કરુણ મોત નિપજયું હતું. આમલેથા પોલીસે કાયદેસરની કાર્યવાહી હાથ ધરી છે.

જ્યોતિ જગતાપ, રાજપીપ