રાજપીપળા નર્મદા જિલ્લાના ડેડીયાપાડા પો.સ્ટે.માં એક સોશિયલ મીડિયામાં બિભત્સ કોમેન્ટ કરી મહિલાની જાતીય સતામણીની ફરિયાદ થતા ભારે ઓહાપોહ થયો છે.પ્રાપ્ત માહિતી અનુસાર ડેડીયાપાડા તાલુકાના ગવલાવાડીમાં રહેતા કમલછાયાબેન જગદીશભાઇ વસાવા(ઉ.વ ૨૭)એ આપેલી ફરિયાદ મુજબ તેમના પતિ જગદીશ ભાઇ “ Best Buddies In Life ” નામના વોટસએપ સોશિયલ ગ્રુપમા હોય જે ગ્રુપમા બીજા સભ્યો પોતાના ગામની મેટર પર વોટસએપ ચેટિંગથી વાત કરતા હતા તે વખતે આ ગ્રુપમા જોડાયેલ આ કામનો ચૈતરભાઇ દામજીભાઇ વસાવા રહે.બોગજ (કોલીવાળા) તા. ડેડીયાપાડાએ આ વોટસએપ ગ્રુપમા કમલછાયાબેનના પતિની કોમેન્ટ વિરૂધ્ધમા“ બયરૂ બરોડા મરાવે અને તુ પોટલી મારે “ તેવી બિભસ્ત કોમેન્ટ કરી. આ બહેન વિરૂધ્ધ સોશિયલ મીડીયાના આ ગ્રુપમા આ મહિલા ઉપર લાંછન લગાડી જાતીય સતામણી કરી ગુનો કર્યો હોવાની ફરિયાદના આધારે ડેડીયાપાડા પોલીસે ચૈતરભાઇ વસાવા વિરુદ્ધ ગુનો નોંધી તપાસ હાથ ધરી છે.તપાસ પી.પી.ચૌધરી સર્કલ ડેડીયાપાડા પોલીસ ઇન્સ્પેકટર કરી રહ્યા છે.
રાજપીપળા, આરીફ જી કુરેશી
