ભરૂચ જીલ્લા પોલીસ દ્વારા વિદેશી દારૂની હેરફેરી અંગે વખતોવખત કડક પગલાં ભરવામાં આવે છે. તેવામાં એલ.સી.બી. પોલીસને મળેલ બાતમીનાં આધારે જીલ્લા પોલીસ વડાનાં માર્ગદર્શન હેઠળ એલ.સી.બી. પી.આઇ. જે.એન.ઝાલાએ ભરૂચ એલ.સી.બી. નાં પી.એસ.આઇ. પી.એસ.બરંડા તથા વાય.જી.ગઢવી અને ટીમનાં માણસો પેટ્રોલીંગમાં હતા તે દરમિયાન મળેલ બાતમીનાં આધારે પાનોલી GIDC માં આવેલ એગ્રીકેર કંપનીનાં સામેના રોડ પરથી એક ટ્રકમાંથી ભારતીય બનાવટની વિદેશી દારૂની અલગ અલગ બ્રાન્ડની કુલ બોટલ નંગ 30 કિં.રૂ.14,800 તથા મોબાઈલ ફોન અને ટ્રક સહિત કુલ 3 લાખ કરતાં વધુની મત્તા જપ્ત કરી એક આરોપી વિષ્ણુકુમાર અનસૂયા પ્રતાપ મિશ્રા રહે. હાલ સુપ્રીમ ઈન્ડિયા રોડવેઝ GIDC વાપી મૂળ રહે.સીધી મધ્યપ્રદેશનું હોવાનું જણાયો છે. આ બનાવની તપાસ અંકલેશ્વર રૂરલ પોલીસ કરી રહી છે.
Advertisement
