પ્રાપ્ત માહિતી અનુસાર તા.૧૦ નાં રોજ ભરુચ નાં કિશનાડ ગામે મણિલાલ મગન વસાવા ની દીકરી અનુંના લગ્ન પ્રસંગે ફરિયાદી નયના ભરત પાટણવાણીયા નાં ઘરે થી સાંજ નાં સાડા પાંચ વાગ્યાનાં અરસામાં જાનનો વરઘોડો નીકળ્યો હતો.આ સમયે ઘર બહાર ઉભેલી નયનાનો હાથ પકડી વરઘોડામાં નાચતાં કિશનાડ ગામના અજય રામસંગ વસાવા તેમજ અરવિંદ જાતર વસાવાએ વરઘોડામાં નાચવા લઇ જતાં હતાં ફરિયાદીનો છોકરો કરણ જોઈ જતાં તોહમતદારોને કહેવા જતાં ગમે તેમ ગાળો બોલી કરણને ધમકી આપી હતી.તેમજ આ બનેનું ઉપરાણું લઈ કમલેશ રમેશ વસાવા તેમજ છત્રસંગ રામસંગ વસાવા કરણને ધિકાપટુંનો માર માર્યો હતો.ગામના બે યુવાનો છોડાવા પડ્યા હતા.થોડા સમયમાં આ ચારેવનું ઉપરાણું લઈ જીતુ જગદીશ વસાવા,નવીન મેલશગ વસાવા,લખન રમન વસાવા, રમેશ અંબાલાલ વસાવાએ કરણને છોડાવા પડેલ માણસોને ધિકાપાટુનો માર માર્યો હતો.
અન્ય બનાવમાં ફરિયાદી રમેશ અંબાલાલ વસાવાએ સાંજનાં આઠ વાગે લગ્નનાં સામૈયા પ્રસંગે ડી.જે વાગતું હતું જેમાં વરઘોડામાં લોકો નાચતાં હતા.તે સમયે ફરિયાદીનાં નાના ભાઈની છોકરી વરઘોડામાં નાચતી હતી.આ સમયે ગામના કિરણ પાટણવાણીયા તેમજ હિમાંશુ મહેશ છોકરી સાથે અથડાયેલ તે બાબતે ઠપકો આપતાં જૈમિન પાટણવાણીયા તેમજ આકાશ પાટણવાણીયા પાછળથી દોડી આવી ગાળો બોલતા હતા.થોડી વાર પછી દિનેશ પાટણવાણીયા ,આશિષ પાટણવાણીયા ,રોહિત પાટણવાણીયા આવી તમે લોકો અમને શુ સમજો છો તેમજ ગાળો બોલી મારી નાખવાની ધમકી આપી હોવાની ફરિયાદ કરી હતી. પાલેજ પોલીસ મથકે ગુના સંબધી તપાસ અધિકારીએ હાથ ધરી હતી.
ઇમરાન ઐયુબ મોદી- પાલેજ
