નવસારી જિલ્લાના બીલીમોરા ખાતે હાલ સોમનાથ મંદિરનો મેળો ચાલી રહ્યો છે, જ્યાં મોટી સંખ્યામાં દૂરદૂરથી શ્રધ્ધાળુઓ દર્શનાર્થે ઉમટી પડતા હોય છે સાથે જ મંદિર પરિસદ નજીકમાં જ મેળાનું પણ આયોજન કરવામાં આવતું હોય છે જ્યાં લોકોની જનમેદની ઉમટી પડતી હોય છે.
હાલ બીલીમોરા વિસ્તારમાં સોશિયલ મીડિયામાં એક વીડિયો જોરશોરમાં વાયરલ થઇ રહ્યો છે અને લોકો વચ્ચે પણ ચર્ચાનું કેન્દ્ર બન્યો છે,વાયરલ વીડિયોમાં દાવો કરવામાં આવ્યો છે કે બીલીમોરા ખાતે સોમનાથના મેળામાં આવેલ કેટલીક યુવતીઓ કોઈ કારણસર વાળ પકડી બાખડી પડી હતી, જે બાદ ઉપસ્થિત લોકોએ મારામારીના લાઈવ દ્રશ્યો પોતાના સેલ ફોનમાં કંડારી લઈ વાયરલ કર્યા છે.
હાલ તો બીલીમોરાના નામથી આ વીડિયો લોકો વચ્ચે વાયરલ થઇ રહ્યો છે. જોકે આ વીડિયો ચોક્કસ ત્યાંનો જ છે કે અન્ય કોઈ સ્થાનનો છે અથવા આ સમગ્ર ઘટનાક્રમ ક્યારે સર્જાયો હતો તે બાબત હજુ સુધી સ્પષ્ટ થઇ નથી. વીડિયો વાયરલ થયા બાદ બીલીમોરા પોલીસે પણ મામલે તપાસની કવાયત શરૂ કરી હોવાનું જાણવા મળી રહ્યું છે.
