ત્રણ દીવ્યાંગ રમતવીરોની પેરા એશિયન ગેમ્સ ૨૦૨૩ માં પસંદગી કરાઈ

સ્પોર્ટ્સ ઓથોરિટી ઓફ ગુજરાત દ્વારા નડિયાદ હાઈ પર્ફોમન્સ સેન્ટર ખાતે પેરા એથ્લેટિક્સ રમતમાં ખાસ કિસ્સામાં તાલીમ મેળવી રહેલા ત્રણ દીવ્યાંગ રમતવીરોની પેરા એશિયન ગેમ્સ – ૨૦૨૩ માં પસંદગી થયેલ છે. જેમાં મીત પટેલ : ટી-૪૨/૪૪ ૧૦૦ મીટર દોડ, લાંબી કૂદ; જગદીશભાઇ પરમાર : ટી-૧૧ લાંબી કૂદ, દેવિકા મલિક: ટી- ૩૭- ૧૦૦ મીટર દોડ, ૨૦૦ મીટર દોડમાં પસંદગી પામેલ છે. ઉપરાંત આ ત્રણેય ખેલાડીઓને ખાસ કિસ્સામાં તાલીમ આપનાર ખેડા જિલ્લા રમત વિકાસ અધિકારી ડૉ. મનસુખ તાવેથિયાની પણ એશિયન ગેમ્સ – ૨૦૨૩ ના કોચ તરીકે પસંદગી કરવામાં આવી છે. હેંગઝોઉં(ચીન) ખાતે ૨૨થી ૨૮ઓક્ટોમ્બર ૨૦૨૩ દરમિયાન પેરા એશિયન ગેમ્સ નું આયોજન થશે. જેમાં આ ત્રણેય ખેલાડીઓ ભારત દેશનું પ્રતિનિધિત્વ કરશે.

નરેશ ગનવાણી : નડિયાદ