નડિયાદ શહેરના વાણીયાવડ વિસ્તારમાં ડી માર્ટ સામે આવેલી સ્પર્શ વિલા સોસાયટીના ગેટ પાસેથી ગતરાત્રે અંદાજીત સાડા ચાર ફુટનો સાપ જોવા મળતા નાસભાગ મચી ગઇ હતી. આ સાપ ફુંફાડા મારતા અને અજગર જેવી પેર્ટનનો હોવાથી સ્થાનિકો સાપને અજગર સમજી બેઠા હતા. જેના કારણે અહીયા રહેતા લોકોના જીવ અધ્ધર થયા હતા. ઘટનાની જાણ IDRRC ટીમને થતાં આ ટીમનો કાફલો ઘટના સ્થળે દોડી આવ્યો હતો.
લગભગ 30 મીનીટની ભારે જહેમત બાદ ઝેરી સાપને પકડી લીધો હતો અને સાપને તેને સહી સલામત સ્થળે છોડી દેવાયો છે. આ ટીમના સાગર ચૌહાણે જણાવ્યું હતું કે, આશરે સાડા ચાર ફુટ જેટલો લાંબો આ સાપને લોકો પહેલા અજગર સમજી બેઠા હતા. ફુંફાડા મારતો આ સાપ રસલ વાયપર (ખડ ચિતડો) છે, જાણે કુકરની સીસોટી ના વાગતી હોય તેવો અવાજ કરી રહ્યો હતો. આ સાપ અંત્યંત ઝેરી સાપ કહી શકાય, આ સાપનું રેસ્કયુ કરી તેને સહિ સલામત સ્થળે છોડી દેવાયો છે.
નરેશ ગનવાણી : નડિયાદ
