મહેમદાવાદના હલધરવાસ પ્રજાપતિ નિવાસમાં રહેતા ગામની પ્રાથમિક શાળામાં શિક્ષક પંકજકુમારી ગોવિંદભાઈ પ્રજાપતિ, તેમના પત્નિ જશોદાબેન (ગામની કન્યા શાળામાં શિક્ષિકા) પરિવાર સાથે હલધરવાસના ઘરે તાળું મારી અમદાવાદ ઈસનપુરમાં આવેલ બીજા મકાને રહેવા ગયા હતા. દરમિયાન તા.૪ ઓકટોબરે પાડોશીએ ફોન કરીને તમારા ઘરનું તાળું તૂટેલ છે, ચોરી થયાનું જણાય છે. તેમ જણાવતા પરિવાર હલધરવાસ આવ્યો હતો. શિક્ષક દંપતિએ દાગીના બેડરૂમમાં ડ્રેસીંગ ટેબલમાં બનાવેલ ચોરખાનામાં રહેલ દાગીના ચોરાઈ ગયા હતા. જેમાં સોનાની ૧૩ લગડીઓ, બુટ્ટી સાથેનો સેટ, સોનાની લક્કી, બંગડી, દોરો, બે લોકેટ, વીંટી, અને ચાંદીના ચોરસા નંગ ૧૬ મળી કુલ રૂ.૫.૪૦ લાખનો મુદ્દામાલ ચોરાઈ ગયો હતો. બેંકમાં રહેલ લોકર એક વર્ષથી બંધ કરાવી ઘરમાં બનાવેલ ચોરખાનામાં જ દાગીના રાખતા હતા. પોલીસે ફરિયાદને આધારે તસ્કરોને ઝડપી પાડવા ચક્રો ગતિમાન કર્યા છે.
નરેશ ગનવાણી : નડિયાદ
