ખેડા જિલ્લાના ઠાસરા પંથકના ભગવાનજીના મુવાડા ગામે દિવાલ ધરાશાયી થતાં માતા, પુત્રીને ઈજા પહોંચી હતી. 5 વર્ષિય પુત્રીનું સારવાર દરમિયાન મોત થયું છે.
આ દિવાલનો કાટમાળ માતા-પુત્રી પર પડતા બન્ને લોકો દબાયા હતાં. સ્થાનિકોએ આ માતા-પુત્રીને બહાર કાઢી સારવાર અર્થે નજીકની હોસ્પિટલમાં ખસેડવામાં આવ્યા હતા. ભારે પવન અને વરસાદી ઝાપટાના કારણે કાચા મકાનની દિવાલ ધરાશાયી થતાં ઘટના બની હતી. ગંભીર રીતે ઘાયલ માતા તથા પુત્રીને સારવાર અર્થે હોસ્પિટલમાં ખસેડાયા છે. જ્યા સારવાર દરમિયાન પાંચ વર્ષિય દિકરી પ્રિયંકા પરમારનું મૃત્યુ થયું હતું. જ્યારે માતા રમીલાબેન પરમાર સારવાર હેઠળ છે.
Advertisement
નરેશ ગનવાણી : નડિયાદ
