નડીયાદના બસ સ્ટેન્ડમાં ઉભરાતી ગટરથી મુસાફરોને ભારે હાલાકી.

નડીયાદ શહેરના બસ સ્ટેન્ડમાં કંટ્રોલ ઓફિસની સામે છેલ્લા બે દિવસથી ગટર ઉભરાઇ છે. ગટરનું ગંદુ પાણી બસસ્ટેન્ડમાં ખાબોચિયા ભરાયા છે. જેના કારણે બસ સ્ટેન્ડમાં આવન જાવન કરતા મુસાફરોને ભારે મુશ્કેલીઓનો સામનો કરવો પડે છે. બસમાં ચડવા ગંદા પાણીમાં થઇને જ પસાર થવું પડે એવી પરિસ્થિતિ છે. કેટલાક મુસાફરોના કપડાં પણ બગડયા હતા આ બાબતે મુસાફરોએ તંત્રને રજૂઆત કરાઇ છે. તેમ છતા તંત્ર દ્વારા આ ગટરની સાફસફાઇ કરવામાં આવી નથી.

નરેશ ગનવાણી : નડિયાદ