આલિયા ભટ્ટ અને રણવીર સિંહ સ્ટારર ફિલ્મ ‘રોકી ઔર રાની કી પ્રેમ કહાની’નું ટ્રેલર મંગળવારે રિલીઝ કરવામાં આવ્યું છે. આ ફિલ્મ કરણ જોહરે ડિરેક્ટ કરી છે. આ ફિલ્મથી કરણ 7 વર્ષ પછી ડારેક્શનમાં કમબેક કરી રહ્યા છે. આલિયા અને રણવીર ઉપરાંત આ ફિલ્મમાં શબાના આઝમી, ધર્મેન્દ્ર અને જયા બચ્ચન પણ છે.
કરણ જોહર ફરી એકવાર નવી લવ સ્ટોરી સાથે મોટા પડદા પર પરત ફર્યો છે. ફરી એકવાર તમને આ ફિલ્મમાં બોલિવૂડ સ્ટાઇલનો રોમાન્સ જોવા મળશે. કોમેડી, રોમાન્સ, ઈમોશન, સ્ટાઈલથી ભરેલું આ ટ્રેલર એન્ટરટેમેન્ટનો સંપૂર્ણ ડોઝ છે.
ટ્રેલરની શરૂઆતમાં રણવીર અને આલિયાની લવ સ્ટોરી કેવી રીતે આગળ વધે છે તે બતાવવામાં આવ્યું છે. જોકે, બંનેના પરિવારો ખૂબ જ અલગ હોવાને કારણે, બંને નક્કી કરે છે કે રાની રોકીના ઘરે અને રોકી ત્રણ મહિના માટે રાનીના ઘરે રહેશે. આ દરમિયાન બંનેના પરિવારજનો તેમના સંબંધોને તોડવાનો પ્રયત્ન કરે છે. ટ્રેલરના અંતમાં બંનેનું બ્રેકઅપ થતું જોવા મળે છે.
લોકો ઘણા સમયથી આ ફિલ્મની રાહ જોઈ રહ્યા હતા. દર્શકો આ રોમેન્ટિક ડ્રામા જોવા આતુર છે. આ ફિલ્મનું નિર્માણ વાયકોમ 18 અને કરણ જોહરના ધર્મા પ્રોડક્શન દ્વારા કરવામાં આવ્યું છે. આ ફિલ્મ 28 જુલાઈએ રિલીઝ થશે.
