માંગરોળ અને નાની નરોલી ગામે મુંબઈથી નીકળતા સટ્ટા બજારના અંકો ઉપર જુગાર રમાડતા બે ઇસમોને પોલીસે ઝડપી લીધા હતા. માંગરોળના પોલીસ સબ ઇન્સ્પેક્ટર એચ આર પઢીયારને ટેલીફોનિક બાતમી મળી હતી કે માંગરોળ ગામના રેલ્વે સ્ટેશન નજીક જૈન દેરાસરની પાછળ એક ઈસમ જુગારી રમાડી રહ્યો છે તેમજ નાની નરોલી ગામે મોગલાણી ફળિયામાં એક ઈસમ જુગાર રમાડી રહ્યાની બાતમી મળતા પોલીસ કર્મચારીઓની ટીમે ઉપરોક્ત સ્થળે રેડ કરતા સુરેશભાઈ નટવરભાઈ વસાવા રહે. ઝાંખરડા ગામ ઝડપાઈ ગયો હતો. પોલીસે જુગારનું સાહિત્ય અને રોકડા રૂપિયા 500 કબજે લઈ જુગાર ધારાની કલમ હેઠળ કાયદેસર કાર્યવાહી કરી હતી જ્યારે નાની-નરોલી ગામના મોગલાણી ફળિયામાં રેડ કરતા ગોવિંદ જયરામ વસાવા રહે નાની નરોલી ગામ ને ઝડપી પાડ્યો હતો આરોપી પાસેથી જુગારનું સાહિત્ય અને રોકડા રૂપિયા 350 કબજે લઈ કાયદેસર કાર્યવાહી કરી હતી.
વિનોદ મૈસુરિયા : વાંકલ
