માંગરોળ તાલુકાનાં વાંકલ ગામે બપોરનાં સમયે બેકરીમાં શોર્ટ સર્કિટથી આગ લાગતા સ્થાનિક રહીશો મદદે દોડી આવ્યા હતા અને આગ કાબુ કરી હતી. વાંકલ ગામે બોરિયા રોડ ઉપર આવેલ તવક્કલ બેકરી નામની દુકાનમાં ઇલેક્ટ્રિક શોર્ટ સર્કિટથી અચાનક આગ ભભૂકી ઉઠી હતી. જેમાં દુકાનનો કાટમાલ તેમજ બિસ્કિટ બેકરી આઈટમની વિવિધ ચીજ વસ્તુઓ આગની લપેટમાં આવી ગઈ હતી. આ સમયે ફળીયાનાં રહીશો મદદે દોડી આવ્યા હતા અને પાણીનો મારો ચલાવી આગ ઉપર કાબુ કર્યો હતો. ઉપરોક્ત બેકરી ઇશાકભાઇ પઠાણ ભાડાનાં મકાનમાં ચલાવતા હતા. આ ઘટનાની જાણ વાંકલ ગામના સરપંચ ભરતભાઇ વસાવાને થતાં તેઓ ઘટના સ્થળે આવી પહોંચ્યા હતા અને જરૂરી કાર્યવાહી હાથ ધરી હતી અને અંદાજીત ચાલીસ હજાર (40,000) થી વધુનું નુકસાન થયું છે. આ સંદર્ભે પંચકાસ કરી તાલુકામાં રિપોર્ટ કરવાની તજવીજ કરી છે.
Advertisement
