માંગરોળ તાલુકાના ગીજરમ ગામે પશુ ચરાવવા ગયેલા અને પગ લપસી જતા કીમ નદીમાં તણાઈ ગયેલા યુવકની લાશ જૂની કોસાડી ગામ નજીક નદીમાંથી જવાનોની ટીમને મળી આવી હતી.
ગીજરમ ગામે રહેતો અનિશભાઈ શંકરભાઈ વસાવા ઉંમર વર્ષ 30 પશુ ચરાવવા માટે ગયો હતો આ સમયે તેનો પગ કીમ નદીમાં લપસી જતા નદીના પૂરમાં આ યુવક તણાઈ ગયો હતો. આ ઘટના અંગે ભાવેશભાઈ સુરેશભાઈ વસાવા દ્વારા પોતાનો મોટો ભાઈ નદીમાં તણાઈ ગયા અંગેની પોલીસ ફરિયાદ નોંધાવવામાં આવી હતી જેથી સવારે માંડવીથી આ લાશની શોધખોળ કરવા માટે જવાનોની ટીમ આવી પહોંચી હતી. ગીજરમ ગામથી કીમ નદીમાં શોધખોળ કરતા જૂની કોસાડી ગામ નજીક નદીમાંથી ટીમને યુવકની લાશ મળી આવી હતી.
Advertisement
વિનોદ મૈસુરિયા : વાંકલ
