માંગરોળ તાલુકાના ઝંખવાવ ગામના વિશ્રામ ગૃહ ખાતે કોંગ્રેસ પ્રભારી ઓની ઉપસ્થિતિમાં તારીખ 11 ના બપોરે 3:30 કલાકે કોંગ્રેસ કાર્યકરોની મિટિંગ યોજાશે.
ગુજરાત વિધાનસભાની ચૂંટણી નજીક આવતા કોંગ્રેસ દ્વારા ચૂંટણીલક્ષી તૈયારીઓ શરૂ કરવામાં આવી છે. માંગરોળ તાલુકા કોંગ્રેસ સંગઠનને મજબૂત બનાવવા માટે કોંગ્રેસના આગેવાનો કમર કસી રહ્યા છે, કાર્યકર્તાઓને સભ્ય નોંધણી ઝુંબેશ તેમજ મહા જનસંપર્ક અભિયાનના માધ્યમથી મતદારો સુધી પહોંચવા આયોજન કરાઇ રહ્યું છે જેના ભાગરૂપે ઝંખવાવ વિશ્રામ ગૃહ ખાતે કોંગ્રેસના પ્રભારી યુનુસભાઇ પટેલ તેમજ બાબુભાઈ રાયકાની આગેવાનીમાં કોંગ્રેસ કાર્યકરોની મિટિંગનું આયોજન કરવામાં આવ્યું છે. મિટિંગમાં બંને આગેવાનો દ્વારા કાર્યકર્તાઓને માર્ગદર્શન આપવામાં આવશે તાલુકા કોંગ્રેસ સમિતિના પ્રમુખ શામજીભાઇ ચૌધરી મહામંત્રી પ્રકાશભાઈ ગામીત વગેરે સંગઠનના આગેવાનો દ્વારા ઉપરોક્ત મિટિંગમાં પાર્ટીના ચૂંટાયેલા પ્રતિનિધિઓ પાર્ટીના હોદ્દેદારો કાર્યકરોને હાજર રહેવા અનુરોધ કરાયો છે.
વિનોદ મૈસૂરિયા : વાંકલ
