માંગરોળ તાલુકાના ડુંગરી ગામે કમોસમી વરસાદ અને વાવાઝોડામાં વિધવા મહિલાનું ઘર ધરાસઇ થતા ગરીબ મહિલા મુશ્કેલીમાં મુકાઈ હતી.તાલુકાના ગ્રામ્ય વિસ્તારમાં રવિવારે સવારથી જ વાતાવરણમાં પલટો આવ્યો હતો અને બપોર બાદ જોરદાર કમોસમી વરસાદ ભારે વાવાઝોડા સાથે શરૂ થયો હતો ત્યારે ડુંગરી ગામના મોટા ફળિયામાં રહેતી વિધવા મહિલા સુનીતાબેન પ્રવીણભાઈ ગામીતના પતિનું અવસાન થયા બાદ વિધવા તરીકે જીવન ગુજારી રહી છે તેનું ઘર ફુંકાયેલા ભારે વાવાઝોડાને કારણે ધરાશાયી થયું હતું સદ નસીબે જાનહાની ટળી હતી. આ ઘટનાની જાણ ગામના સરપંચ અને તલાટી કમ મંત્રીને કરવામાં આવતા તેઓએ સ્થળની મુલાકાત લઈ નુકસાની અંગેનો રિપોર્ટ ઉપરી કચેરીને કરવા તજવીજ શરૂ કરી હતી.
વિનોદ મૈસૂરિયા : વાંકલ
Advertisement
