માંગરોળ તાલુકાના આમનડેરા ગામે મામાને ત્યાં આવેલા અમદાવાદના યુવકનું નદીમાં પગ લપસી જતા ઉંડા પાણીમાં ડૂબી જવાથી કરુણ મોત નિપજયું હતું.
પ્રાપ્ત માહિતી મુજબ અમદાવાદમાં ગેરેજનું કામ કરતો 18 વર્ષીય સાહિલ શહીદ શેખ માંગરોળના અમન ડેરા ખાતે પોતાના મામાને ત્યાં ફરવા માટે આવ્યો હતો. આમનડેરા ગામની સીમમાં ભૂખી નદી અને કીમ નદીના સંગમ પર ભૂલથી પગ લપસી જતા ઊંડા પાણીમાં ડૂબી ગયો હતો ત્યારે પરિવારજનોને આ અંગેની જાણ થતા તાત્કાલિક તેઓએ પ્રશાસનને જાણ કરી હતી. માંગરોળ પોલિસ અને મામલતદારે આ ઘટનાની ગંભીરતા જાણી તાત્કાલિક એનડીઆરએફ ની ટીમ બોલાવી રેસ્ક્યુ કરી લાશ શોધી કાઢી હતી. પોલીસે મૃતદેહનો કબજો લઈ પીએમ સહિતની કાર્યવાહી શરૂ કરી હતી
Advertisement
