માંગરોળ તાલુકાના વેલાછા ગામે આજરોજ કોસંબા પોલીસના નવા આઉટ પોસ્ટનું લોકાર્પણ સરકારના પૂર્વ કેબિનેટ મંત્રી અને માંગરોળ વિધાનસભાના ધારાસભ્ય ગણપત વસાવાના હસ્તે કરવામાં આવ્યું હતું. આ આઉટ પોલીસ સ્ટેશનમાં 7 ગામડાઓનો સમાવેશ કરવામાં આવ્યો છે.
માંગરોળ તાલુકાના વેલાછા ગામે કોસંબા પોલીસ મથકના આઉટ પોલીસ મથકનું લોકાર્પણ સરકારના પૂર્વ કેબિનેટ મંત્રી અને માંગરોળ વિધાનસભાના ધારાસભ્ય ગણપત વસાવાના હસ્તે કરવામાં આવ્યું હતું. આ આઉટ પોલીસ મથકમાં માંગરોળ તાલુકાના (1) વેલાછા (2) લીંબાડા (3) શેઠી (4) કઠવાડા (5) સિયાજલ (6) કુવરદા (7) પાણેથા ગામનો સમાવેશ કરવામાં આવ્યો છે. આ વિસ્તારમાં મુખ્યત્વે હિન્દુ – મુસ્લિમ, ખિસ્તી ધર્મની વસ્તી છે તેમજ 5000 પરપ્રાંતિય લોકોની વસ્તી છે. 50 જેટલા ઔદ્યોગિક એકમ આવેલા છે. લોકોની પોલીસ સુધી પહોંચ અને પોલીસની લોકો સુધીની પહોંચ સરળ બનાવવાના અભિગમ સાથે આ વેલાછા આઉટ પોસ્ટનું લોકાર્પણ કરવામાં આવ્યું છે અને શ્રેષ્ઠ કામગીરી કરનાર પોલીસ કર્મીઓનું સન્માન કરવામાં આવ્યું હતું. આ કાર્યક્રમમાં સુરત ગ્રામ્ય પોલીસ વડા હિતેશ જોયસર, Dy.SP બી.કે વનાર, પી.આઇ એચ.બી ગોહિલ, PSI જે.કે મૂળિયા, PSI એ.બી આહીર સહિતના અધિકારીઓ અને સ્થાનિક આગેવાનો હાજર રહ્યા હતા.
વિનોદ મૈસુરિયા : વાંકલ
