વડા પ્રધાન ઋષિ સુનકે રવિવારે નાતાલની રજાઓ દરમિયાન હડતાળ પર જવા બદલ ટ્રેડ યુનિયનોની ટીકા કરી હતી જેના કારણે લાખો લોકોને તકલીફ પડી હતી. આગામી થોડા અઠવાડિયામાં યુકેમાં હડતાલનું આયોજન કરવાનું પ્રસ્તાવિત છે. યુકે સરકારે હડતાળ કરનારા કામદારોની ભરપાઈ માટે 1,200 સૈનિકો તૈનાત કરવાની યોજના જાહેર કરી છે જેથી આવશ્યક સેવાઓ ચાલુ રહી શકે. પ્રસ્તાવિત હડતાળમાં ભાગ લેનારાઓમાં રેલવે કર્મચારીઓ, આરોગ્ય કર્મચારીઓ, સરહદ સુરક્ષા કર્મચારીઓનો સમાવેશ થાય છે. યુનિયનો વેતનમાં વધારો અને કામ કરવાની સારી સ્થિતિની માંગ કરી રહ્યા છે.
સુનકે એક લેખમાં જણાવ્યું હતું કે કર્મચારીઓને વાજબી ઓફર કરવામાં આવી છે. તેમણે યુનિયનો પર ‘વર્ગ સંઘર્ષ’ શરૂ કરવાનો આરોપ લગાવ્યો. સુનકે લખ્યું, ‘યુનિયનો ક્રિસમસને લક્ષિત કરીને ખાસ કરીને ખોટા સમયે, ટ્રાન્સપોર્ટ હડતાલથી લાખો લોકોને નુકસાન પહોંચાડી રહ્યા છે.’ સરકારે યુનિયનોએ વારંવાર આગ્રહ કર્યો છે કે વેતનમાં ભારે વધારીની તેમની માંગને માનવાથી બ્રિટન મોંઘવારીના વમળમાં ફસાઈ જશે જેની સૌથી વધુ અસર ગરીબ લોકો પર પડશે.
વડાપ્રધાને કહ્યું કે વિપક્ષી લેબર પાર્ટીએ પણ સ્વીકાર્યું છે કે યુનિયનની માંગ પૂરી ન કરી શકાય. સુનકે કહ્યું, ‘અમે એ સુનિશ્ચિત કરવા માટે બધું કરી રહ્યા છીએ કે લોકોને ક્રિસમસ પર એ બધું જ મળી શકે જેમના તે હકદાર છે. સેના આગળ આવી છે અને સેવાઓ શક્ય તેટલી ચાલુ રહે તે સુનિશ્ચિત કરવા માટે અમે અન્ય પગલાં લઈ રહ્યા છીએ.’ આ દરમિયાન ઘણા યુનિયનોના પ્રમુખોએ ચેતવણી આપી છે કે સેના એમ્બ્યુલન્સ ચલાવવા માટે કે દેશની સીમાની રક્ષા કરવા માટે પર્યાપ્ત રીતે પ્રશિક્ષિત નથી અને તેમને આ ‘મુશ્કેલ’ સ્થિતિમાં ન મૂકવી જોઈએ.
દરમિયાન, નર્સોએ ધમકી આપી છે કે જો મંત્રીઓ આગામી સપ્તાહના બહિષ્કાર પછી 48 કલાકમાં સમાધાન નહીં શોધે તો નવા વર્ષમાં વધુ વ્યાપક હડતાળ કરવામાં આવશે. બુધવારે એમ્બ્યુલન્સ ડ્રાઇવરોની હડતાળ પ્રસ્તાવિત છે જેમાં નર્સો, રેલ્વે સ્ટાફ, પાસપોર્ટ ઓફિસર અને પોસ્ટલ કર્મચારીઓ જોડાઈ રહ્યા છે.
