લીંબડી : જીવદયા પ્રેમીએ આવી કડકડતી ઠંડીમાં શ્વાનનાં બચ્ચાને બચાવવા તળાવમાં છલાંગ લગાવી.

લીંબડી તળાવમાં શ્વાનનું ગલુડિયું ડુબતું જોઈ લોકોમાં કુતૂહલ સર્જાયું ત્યારે એક પશુપ્રેમી દેવીપૂજક મુકેશભાઈ શીવાભાઈ બુટીયા નામના યુવાને તળાવમાં છલાંગ લગાવી ગલુડિયાનો જીવ બચાવી એક જીવદયા પ્રેમીનુ ઉદાહરણ પુરુ પાડયું.ત્યારે બીજી તરફ નગરપાલિકાની બેદરકારી પણ નજરે પડી રહી છે કેમ કે આ તળાવ જાહેર માર્ગ પર આવેલ છે અને આ તળાવ ફરતે આવેલ પાઈપ પણ તુટી ગયેલ છે ત્યારે અહીંયાથી ગમે ત્યારે અકસ્માત સર્જાય શકે છે તેમ છતાં અહીંયા દિવાલ કે પાઈપ મુકવામાં નથી આવતા ત્યારે આજે એક શ્વાનનુ બચ્ચું આ તળાવમા ખાબક્યુ છે.ભવિષ્યમા કોઈ બાળક પણ ખાબકી શકે છે તો આ બનનાર ઘટનાનો જવાબદાર કોણ હશે તે આવનાર સમય જ બતાવશે.

કલ્પેશ વાઢેર સુરેન્દ્રનગર