જંબુસર : કોરોનાનાં ધરખમ કેસો વધ્યા બાદ પોલીસ તંત્ર હરકતમાં આવ્યું.

લોકડાઉનમાં વ્યાપક છૂટછાટ બાદ ભરૂચ જિલ્લામાં કોરોનાનુ સંક્રમણ કૂદકેને ભૂસકે વધી રહ્યું છે. તેમાં પણ જંબુસર જિલ્લાની હોટસ્પોટ બની ગયું છે. છેલ્લા પાંચ દિવસથી પ્રતિદિવસ કેસો નોંધાય રહ્યા છે. જેને રોકવા સ્થાનિક વેપારી સંગઠનોએ પણ સહકાર આપી દુકાનો બજારો બંધ રાખવાનો નિર્ણય લીધો હતો. તો બીજી તરફ સ્થાનિક તંત્ર પણ સતર્ક થઈ ગયું છે. પોલીસ પ્રશાસને સઘન ચેકીંગ હાથ ધરી છે. શહેરમાં પ્રવેશતા બહારના વાહનો તેમજ બહાર જતા લોકોની પૂછપરછ કરવામાં આવી રહી છે. જંબુસર પોલીસ રાઉન્ડ ધ કલોક પેટ્રોલિંગ કરતી નજરે પડી રહી છે. વગર કામના બહાર નીકળતા લોકો પર પણ આકરું વલણ અપનાવી ઘરમાં રહેવા સચેત કરી રહી છે.