જંબુસર તાલુકાનાં અણખી ગામેથી પાંચ ફૂટનો મગર ઝડપાયો.

જંબુસર તાલુકાના અણખી ગામેથી પાંચ ફૂટનો મગર ઝડપાયો જંબુસર તાલુકાના અણખીગામ તળાવમાંથી પાંચ ફૂટના મગરને ગામનાં જાબાઝ પાંચ યુવાનો ઝડપી પાડી જંગલખાતાને સુપરત કરવાની કાર્યવાહી હાથ ધરી છે. અણખી ગામેથી અવારનવાર ગામ તળાવમાં મગર દેખાય છે. જેને લઇ ગ્રામજનોમાં ફફડાટ અને ભયનો માહોલ જોવા મળે છે. આજરોજ અણખીગામ તળાવમાંથી મગર રહેણાંક વિસ્તાર તરફ જતો હોય દૂધ ભરવા આવેલ દેવ અને મેહુલભાઇને નજરે પડતાં તેની જાણ ગામના યુવાન સંદીપભાઈ સુજાણીને કરતા તાત્કાલિક તેમની ટીમ સાથે આવી પહોંચી ઘણી જહેમત બાદ પાંચ ફૂટના મગરને ઝડપી પાડયો હતો મગર ઝડપાયાની જાણ વાયુવેગે ગામમાં પ્રસરતા લોકો મગરને જોવા લોકો ઉમટી પડયા હતા. ગામમાંથી ઝડપાયેલ મગરને મુક્ત કરવા જંગલખાતાને જાણ કરી છે.