જંબુસર પોલીસે ઝડપી પાડેલા બે રીઢા ચોર પાસેથી મળેલી વિગતો નડિયાદના એક સોની દ્વારા ચોરીનો માલ ખરીદવામાં આવતા હોવા ની કબૂલાતને પગલે નડીયાદ થી સોની ને ઝડપી લીધો હતો.

જંબુસર પંથકમાં દસ લાખ ઉપરાંતના ઘરફોડ ચોરી થવા પામી હતી જે સંદર્ભે ડીવાયએસપી ગોહિલ દ્વારા ટીમ બનાવીને તપાસ શરૂ કરી હતી જેમાં બે રીઢા ચોર પોલીસના હાથે ઝડપાયા હતા. તેઓ દ્વારા દસથી વધુ ચોરીઓનો ગુનો કબૂલ્યો હતો જેમાં તેમણે નડિયાદમાં ભાવસારવાળ માં રહેતો હર્ષદ ઉર્ફે લાલા મનુ સોની ને મુદ્દા માલ વેચતા હોવાનું કહ્યું હતું આ સંદર્ભે એલસીબી પોલીસે તપાસના ચક્રોગતિમાન કર્યા હતા અને હર્ષદ સોની ને ઝડપી લીધો હતો. હર્ષદ પાસેથી વેડચ પોલીસ મથકમાં થયેલ નોંધાયેલી ચોરીમાં ચોરાયેલા સોનાના દાગીના કિંમત રૂપિયા 60 હજાર ઉપરાંતનો મુદ્દામાલ મળી આવ્યો હતો. પોલીસે મુદ્દામાલ કબજે કરી તપાસ કરતાં તેને અમદાવાદ ખાતે પણ આવા જ ચોરીના ઘરેણા ખરીધ્યા હોવાનું કબુલ કર્યું હતું. પોલીસે આ વિસ્તારમાં વધુ ગુનાઓ ઉકેલવા હર્ષદ સોની ની તપાસ શરૂ કરી છે.