હાલ શિયાળાની ઋતુ હજી માંડ ચાલુ થઈ છે ત્યારે ચોરોની તસ્કર ટોળકી સક્રિય થઇ જતાં શિયાળાની ફૂલ ગુલાબી ઠંડી વચ્ચે તસ્કરો લોકોને પરસેવો છોડાવી રહ્યાં છે, જિલ્લાના કેટલાય સ્થાનો ઉપર તસ્કરો ચોરીઓને અંજામ આપી પોલીસને દોડતી કરી રહ્યા છે, તેવામાં વધુ એક ચોરીની ઘટના પ્રકાશમાં આવી છે.
જંબુસરના મગણાદ ગામે ગત રાત્રીએ તસ્કરો ત્રાટકયા હતા, મકાનમાં પ્રવેશેલા તસ્કરો એ કબાટમાંથી અંદાજિત ૨ થી અઢી લાખનું સોનું તેમજ ૧૭ હજાર રોકડનો હાથફેરો કર્યો હોવાનું સપાટી ઉપર આવ્યું છે. મગણાદ ગામનાં મુલતાની યુનુસ હસનના ઘરેથી ચોરી થઇ હોવાનું બહાર આવ્યું છે. ઘટનાની જાણ થતા જંબુસર પોલીસ સક્રિય થઇ મામલાની ઘનિષ્ઠ તપાસ કરી રહી છે.
Advertisement
